حمیدیہ میں جلسہ شہادت امیر المومنین امام علی ابن ابی طالب علیہ السلام
بارگاہ شہزادہ امام علی ابن موسیٰ رضا علیہ السلام سید السادات ڈاکٹر سید محمد حمید الدین حسینی رضوی قادری شرفی رحمۃ اللہ علیہ کے زیر اہتمام حمیدیہ شرفی چمن میں ۲۱ ؍رمضان المبارک ۱۴۴۴ھ م ۱۳؍اپریل ۲۰۲۳ء بعد نماز عصر جلسہ شہادت امیر المومنین مولائے کائنات امام علی ابن ابی طالب علیہ السلام منعقد ہوا۔ پروفیسر سید محمد حسیب الدین حسینی رضوی حمیدی جانشین شہزادہ ؒامام علی ابن موسیٰ رضاؑ نے نگرانی کی۔ سادات کرام ،مشائخ عظام اور سامعین حضرات کی کثیر تعداد نے شرکت کی۔ قرآن خوانی سے جلسہ کا آغاز ہوا۔ مکمل قرآن پاک کی تلاوت کے بعد نگران جلسہ نے سیرت مولائے کائنات کے چند منورپہلوؤں پر خطاب کی سعادت حاصل کی۔سلام بہ حضور خیر الانام صلی اللہ علیہ و آلہ وسلم اور دعائے سلامتی پر جلسہ اختتام پذیر ہوا۔ اس موقع پر شرکاء کے لئے افطار اور عشائیہ کا انتظام کیا گیا۔