حمیدیہ میں ۱۳ روزہ محافل جشن ولادت مولائے کائنات سیدنا علی ابن ابی طالبؑ
بارگاہ شہزادہ امام علی ابن موسیٰ رضا ؑ سید السادات ڈاکٹر سید محمد حمید الدین حسینی رضوی قادری شرفی ؒکے زیر اہتمام ۱۳ روزہ محافل مولائے کائنات مولود کعبہ امیر المومنین سیدنا علی ابن ابی طالب علیہ السلام یکم تا ۱۳؍رجب المرجب ۱۴۴۵ھ ،بعد نماز مغرب، بہ مقام ’’حمیدیہ‘‘ واقع درگاہ شریف شرفی چمن سبزی منڈی قدیم میں منعقد ہوںگی انشاء اللہ تعالیٰ۔پروفیسر سید محمد حسیب الدین حسینی حمیدی جانشین شہزادہ ؒامام علی ابن موسیٰ رضاؑ ان محافل کی نگرانی کریں گے۔نگران محفل کے علاوہ دیگر سادات کرام سیرت مرتضویؑ کے مختلف منور پہلوئوں پر خطاب کی سعادت حاصل کریں گے۔ نعت خواں حضرات حمدو نعت وسلام ومنقبت پیش کرینگے۔ بعد محفل، لنگر حیدری کا اہتمام رہے گا۔ جملہ اہل سلسلہ اور عامۃ المسلمین سے جناب الحاج محمد یوسف حمیدی صدر مجلس استقبالیہ نے شرکت کی درخواست کی ہے۔